«ԹՄ Աուդիտ» ՓԲԸ գլխավոր տնօրեն (1997թ․-ից)։

Հայաստանի աուդիտորների և փորձագետ հաշվապահների պալատի (խորհրդի) նախագահ (2021թ. մայիսից)։

Եվրասիական տնտեսական միության աուդիտորների Խորհրդատվական մարմնի նախագահության նախագահ (2023թ. փետրվարից-2024թ. փետրվար)։

Հաշվապահների և աուդիտորների Եվրասիական խմբի նախագահ (2024թ. փետրվարից)

Հայաստանի հաշվապահների և աուդիտորների ասոցիացիայի (ՀՀԱԱ) հիմնադիր անդամ (1997թ․), տարբեր տարիներին հանդիսացել է IFAC-ի (Հաշվապահների Միջազգային Դաշնություն) փորձագետ, ՀՀԱԱ հաշվապահական հաշվառման հանձնաժողովի նախագահ, ՀՀԱԱ խորհրդի, ՀՀ-ում հաշվապահական հաշվառման և աուդիտորական գործունեության համակարգերի բարեփոխումների միջգերատեսչական հանձնաժողովի, աուդիտորների և հաշվապահների որակավորման հանձնաժողովի անդամ:

1998թ․-ից անմիջական մասնակցություն է ունեցել ՀՀ–ում իրականացվող հաշ­վա­պահական հաշվառման և աուդիտորական գործունեության համակարգերի բարե­փո­խումներին, այդ թվում՝ ՀՀՄՍ-ների, ՖՀՄՍ-ների, ԱՄՍ-ների թարգմանությանը, խմբա­գրմանը և տեղայնացմանը, օրենքների, հաշվային պլանի, ֆինանսական հաշվետվությունների փաթեթի, սկզբնական հաշվառման փաստաթղթերի և նոր համակարգերի ներդրման համար անհրաժեշտ այլ իրավական ակտերի նախագծերի մշակմանը։

19 մասնագիտական, ուսումնամեթոդական գրքերի և մի քանի տասնյակ հոդվածների հեղինակ է:

1999թ․-ից վարում է դասախոսություններ ԲՈՒՀ-երում և մասնագիտացված կառույցներում:

1992-1997թթ․ աշխատել է խոշոր կազմակերպություններում, որպես ֆինանսական տնօրեն և/կամ գլխավոր հաշվապահ:

Արթուր Հարությունյանն ավելի քան 25 տարվա փորձառություն ունի հաշվապահական հաշվառման, աուդիտի և խորհրդատվության բնագավառում, ինչպես մասնավոր, այնպես էլ պետական, ոլորտներում: Նա նաև ՀՀ առաջատար բուհերում հաշվապահական հաշվառում և աուդիտ դասավանդելու երկարամյա փորձառություն ունի: 2006-ից «Էյ-Էն Աուդիտ» ՓԲԸ տնօրենն է:

Ավարտել է Երևանի ժողովրդական Տնտեսության ինստիտուտը 1995թ.` ստանալով տնտեսագետի որակավորում` հաշվապահական հաշվառման և աուդիտի մասնագիտացմամբ, իսկ 1998թ.` Հայաստանի Հանրապետության պետական կառավարման դպրոցը` ստանալով պետական կառավարում և տեղական ինքնակառավարում մասնագիտացմամբ պետական ծառայողի որակավորում: Հայաստանի և աուդիտորների փորձագետ հաշվապահների պալատի կողմից որակավորված աուդիտոր է: Ունի նաև ՀՀ կենտրոնական բանկի կողմից տրված վկայական` ներդրումային ընկերությունների, ներդրումային ֆոնդերի և ֆոնդի կառավարիչների գլխավոր հաշվապահի: Ունի նաև ACCA-ից «Հաշվապահական հաշվառման և բիզնեսի» առաջնակարգ դիպլոմ, ինչպես նաև «Հանրային հատվածի հաշվապահական հաշվառման միջազգային ստանդարտների» (IPSAS) որակավորման վկայագիր:

2002-ից հանդիսանում է Հայաստանի հաշվապահների և աուդիտորների ասոցիացիայի (ՀՀԱԱ) խորհրդի անդամ և Կրթության և որակավորման հանձնաժողովի նախագահ, իսկ 2014-ից՝ նաև ՀՀԱԱ փոխնախագահ: 2020-ից՝ Պալատի նախագահի տեղակալ և Որակավորման հանձնաժողովի նախագահ։

2017-2018 թթ.` ՀՀ վարչապետի ղեկավարությամբ գործող Փոքր ու միջին ձեռնարկատիրության զարգացման խորհրդի անդամ: 2018-2020թթ․` Ներդրումների աջակցման կենտրոն հիմնադրամի (նախկին` Փոքր ու միջին ձեռնարկատիրության զարգացման ազգային կենտրոն) հոգաբարձուների խորհրդի անդամ:

«Փի–Էյջ–Փի Փարթնըրզ» ՓԲԸ տնօրեն (2006թ․-ից)։

Հայաստանի հաշվապահների և աուդիտորների ասոցիացիայի (ՀՀԱԱ) հիմնադիր նախագահ (1997), ՀՀԱԱ նախագահ (1997-1999թթ․, 2002-2004թթ., 2014-2021թթ.), ՀՀԱԱ խորհրդի անդամ (1997թ․-ից): ՀՀ ֆինանսների նախարարության հաշվապահական հաշվառման և աուդիտի մեթոդաբանության գլխավոր վարչության պետ (1993-2002թթ․), «Քեյ-Փի-Էմ-Ջի Արմենիա» ՓԲԸ–ի հաշվապահական ծառայությունների բաժնի ղեկավար (2002-2006թթ․), Համաշխարհային Բանկի փորձագետ (2008թ․-ից)։

1993թ․-ից Հովհաննես Պետրոսյանի ղեկավարությամբ ՀՀ–ում իրականացվել է հաշ­վա­պահական հաշվառման բարե­փո­խումները, այդ թվում՝ ՖՀՄՍ-ների, ՓՄԿ-ների ՖՀՄՍ-ի, թարգմանությունը, խմբա­գրումը և տեղայնացումը, մշակվել են «Հաշվապահական հաշվառման մասին», «Աուդիտորական գործունեության մասին», «Հաշվապահական հաշվառման և աուդիտորական գործունեության կարգավորման և հանրային վերահսկողության մասին» ՀՀ օրենքների, հաշվային պլանների և նոր համակարգի ներդրման համար անհրաժեշտ այլ իրավական ակտերի նախագծերը։ Անմիջական մասնակցություն է ունեցել հանրային հատվածի հաշ­վա­պահական հաշվառման բարե­փո­խումներին։

«ԲԻ-ԴԻ-Օ ԱՐՄԵՆԻԱ » ՓԲԸ

Խորհրդի նախագահ, Զարգացման գծով ավագ գործընկեր
(2018թ -ից)
Հայաստանի հաշվապահների և աուդիտորների ասոցիացիայի (ՀՀԱԱ) հիմնադիր անդամ (1997թ-ից), ՀՀԱԱ նախագահ (1999-2002թթ․):
ՀՀ նյութական ռեսուրսների նախարարությունում Ֆինանսական բաժնի պետ, վերահսկողության բաժնի պետ (1991 -1993թթ.), ՀՀ հարկային տեսչությունում ինֆորմացիոն բաժնի պետ, հատուկ բաժնի պետ, վերահսկողության բաժնի պետ, (1993 -1996թթ.), ՀՀ Էներգետիկայի նախարարության “Ինտելեկտ” ՊՓԲԸ տնօրեն (1996 -1999թթ.), “ՍՕՍ-Աուդիտ” ՍՊԸ հիմնադիր, տնօրեն (1999 -2018թթ.):
Ղեկավարել է “ՍՕՍ-Աուդիտ” ընկերության կողմից իրականացվող՝ Համաշխարհային Բանկի ֆինանսավորմամբ իրականացված ծրագրերի և կազմակերպությունների ֆինանսական հաշվետվությունների աուդիտի աշխատանքները Հայաստանի Հանրապետությունում, ինչպես նաև Մոլդովայի, Տաջիկստանի, Ղրղզստանի, Վրաստանի և Ուզբեկստանի Հանրապետություններում:

«Հայաստանի էլեկտրական ցանցեր» ՓԲԸ գլխավոր տնօրենի տեղակալ, գլխավոր հաշվապահ (2015թ․-ից)։

Հայաստանի հաշվապահների և աուդիտորների ասոցիացիայի անդամ (2000թ-ից), ՀՀԱԱ վերստուգիչ հանձնաժողովի նախագահ (2008-2014թթ․)։
«Էյ-Էն Աուդիտ» ՓԲԸ գործընկեր, փոխտնօրեն (2006թ-ից), ՀՀ Ազգային ժողովի Ֆինանսական և հաշվապահական հաշվառման վարչության պետ (2004-2006թթ․), «Հրազդանի ՋԷԿ» ՓԲԸ գլխավոր հաշվապահ (2002-2004թթ․), «Հայաստանի էլեկտրական ցանցեր» ՓԲԸ գլխավոր հաշվապահ (2002թ․), «Կենտրոնական էլեկտրացանց» ՓԲԸ գլխավոր տնօրենի տեղակալ ֆինանսների և էկոնոմիկայի հարցերով, գլխավոր հաշվապահ (2000-2002թթ․), ՀՀ ֆինանսների և էկոնոմիկայի նախարարության ֆինանսական հաշվետվությունների մեթոդաբանության բաժնի պետ (1999-2000թթ․), «Երևանի էլցանց» ՓԲԸ Դավիթաշեն մասնաճյուղի գլխավոր հաշվապահ (1998-1999թթ․), «Շահումյան էլցանց» ՊՁ, «Հայաստան» ԴՁ գլխավոր հաշվապահ (1997-1998թթ․)։
1999-2000թթ անմիջական մասնակցություն է ունեցել ՀՀ–ում իրականացվող հաշվապահական հաշվառման և աուդիտորական գործունեության համակարգերի բարեփոխումներին, մասնավորապես՝ ՀՀՄՍ-ներին համապատասխան ֆինանսական հաշվետվությունների ձևերի մշակման և դրանց լրացման հրահանգի ապահովման, ինչպես նաև՝ ՀՀՄՍ ստանդարտների թարգմանության և խմբագրման գործընթացներում։
Նաիրի Ադամյանն ունի մեծ փորձառություն խոշոր ընկերություններում հաշվապահական հաշվառման ավտոմատացված համակարգերի (ներառյալ՝ ERP համակարգեր) ներդրման, ինչպես նաև՝ բյուջետային հիմնարկների ու առևտրային կազմակերպությունների հաշվապահական անձնակազմերի դասավանդման գծով։
Ունի ՀՀ պետական ծառայության 2-րդ դասի պետական խորհրդականի դասային աստիճան։

«Դի–Էս–Էյ խորհրդատվական խումբ» ՓԲԸ գլխավոր տնօրեն (2020թ․-ից)։

     Հայաստանի հաշվապահների և աուդիտորների ասոցիացիայի (ՀՀԱԱ) անդամ (2017թ․-ից): ՀՀ հարկային պետական տեսչության (ՀՀ պետական եկամուտների նախարարության) խորհրդային տարածքային հարկային տեսչության հարկերի հաշվառման բաժնի պետ (1993-2000թթ․), «Քեյ-Փի-Էմ-Ջի Արմենիա» ՓԲԸ–ի հարկային և իրավաբանական ծառայությունների բաժնի ղեկավար (2000-2006թթ․), «Փի-Էյջ-Փի Փարթնըրզ» ՓԲԸ–ի հիմնադիր բաժնետեր, հարկային ծառայությունների ղեկավար (2006-2016թթ․), ՀՀ ֆինանսների նախարարի տեղակալ (2016-2018թթ․), ՀՀ պետական եկամուտների կոմիտեի նախագահ (2018-2020թթ․), Համաշխարհային Բանկի ավագ փորձագետ (2014-2016թթ․)։
2008թ․-ից Դավիթ Անանյանը անմիջական մասնակցություն է ունեցել հաշ­վա­պահական հաշվառման «երկրորդ շրջանի» բարե­փո­խումներին, այդ թվում՝ ՖՀՄՍ-ների, ՓՄԿ-ների ՖՀՄՍ-ի, թարգմանությանը, խմբա­գրմանն ու տեղայնացմանը, եղել է Հանրային հատվածի հաշվապահական հաշվառման միջազգային ստանդարտների (IPSAS) տեղայնացման գործընթացում Հայաստանի Հանրապետության կառավարությանը համապատասխան իրավական և ինստիտուցիոնալ դաշտ ստեղծելու ծրագրի իրականացման առանցքային խորհրդատուներից մեկը։

1999թ.-ից աշխատել է տարբեր կազմակերպություններում` հիմնականում զբաղեցնելով հաշվապահի, գլխավոր հաշվապահի, խորհրդատուի, աուդիտորի, խորհդատվական և աուդիտորական ընկերությունների ղեկավարների պաշտոններ: Աշխատել է նաև բանկի և ապահովագրական ընկերության մասնաճյուղերի կառավարիչի պաշտոններում: 2008թ.-ին Կապանում հիմնադրել է հաշվապահական հաշվառման գրասենյակ` «Կապանի ՀՀԳ» ՍՊԸ-ն: Կապանի գրասենյակի փորձի հիման վրա Հայաստանի մարզային քաղաքներում և Երևան քաղաքում բազմաթիվ գործընկերներ Վահագն Համբարձումյանի աջակցությամբ և բաժնեմասնակցությամբ հիմնադրել են իրենց սեփական գրասենյակները: 2014թ. տասնյակ հաշվապահական գրասենյակների ներկայացուցիչների և հաշվապահների հետ հիմնադրել է «Հայաստանի հաշվապահների ասոցիացիա» հասարակական կազմակերպությունը և մինչ օրս հանդիսանում է կազմակերպության հիմնադիր նախագահը: 1992 — 1997թթ. սովորել է Երևանի ճարտարապետաշինարարական ինստիտուտում, «Շինարարության էկոնոմիկա և կառավարում» մասնագիտությամբ և ստացել ինժեներ-տնտեսագետի որակավորում:

Ունենալով ավելի քան 26 տարվա մասնագիտական աշխատանքային փորձ` Արմեն Հովհաննիսյանը անմիջական մասնակցություն է ունեցել ՀՀ հաշվապահական հաշվառման և աուդիտորական գործունեության համակարգերի բարեփոխումներին: Պարբերաբար մասնակցել է հաշվապահական հաշվառման և աուդիտի ոլորտներում նոր օրենքների ու այդ փոփոխությունների արդյունքում ակնկալվող խնդիրների լուծման վերաբերյալ քննարկումների: Հանդիսանալով ՀՀ աուդիտորական դաշտի կայացման գործուն դերակատարներից մեկը՝ բազմաթիվ անգամներ անդրադարձել է պարտադիր աուդիտի, աուդիտորական ծառայությունների գնագոյացման, գնումների մասին օրենսդրական կարգավորումների և ձևավորված մշակույթի վերաբերյալ, այդ թվում նաև լրատվամիջոցներում: Արմեն Հովհաննիսյանը հանդիսանում է Գրանթ Թորնթոն ՓԲԸ-ի տնօրեն և վերահսկում է ֆինանսական հաստատությունների աուդիտի բաժինը: Մասնագիտացած է բանկերի ներքին հսկողական համակարգերի և հաշվապահական հաշվառման քաղաքականության ոլորտում: Նա ունի ֆինանսական հաստատությունների, բանկերի և վարկային կազմակերպությունների աուդիտորական և հաշվապահական առաքելությունների մասնագիտական հսկայական փորձ:Նա ունի հաշվապահական միջազգային ստանդարտների, ինչպես նաև Աուդիտի միջազգային ստանդարտների, Ֆինանսական Հաշվետվությունների ներկայացման միջազգային ստանդարտների և Հայաստանի Հանրապետության Հաշվապահական Հաշվառման ստանդարտների գերազանց իմացություն:Արմեն Հովհաննիսյանը իր մասնագիտական գործունեությունն է ծավալում ոչ միայն Հայաստանում, այնպես էլ ԱՊՀ տարածաշրջանում:

Հանդիսացել է Դելոյթ Արմենիա ընկերության ղեկավար գործընկերը: Նա ունի ավելի քան 22 տարվա փորձ աուդիտի և հարակից ծառայությունների ոլորտում: Արփինեի փորձը ներառում է մասնագիտական աշխատանքային փորձառություն ինչպես Հայաստանում, այնպես էլ միջազգային շուկաներում՝ մասնավորապես Լոնդոնում, Նյու Յորքում և Մոսկվայում: Արփինեն հանդիսանում է Որակավորված հաշվապահների ասոցիացիայի անդամ (FCCA): Մասնակցություն է ունեցել բազմաթիվ աուդիտորական աշխատանքներում, ինչպես նաև՝ ՖՀՄՍ և US GAAP կազմման և փոխարկման աշխատանքներում:

«ՔԵՅԷՄՋԻ ՔՈՆՍԱԼԹԻՆԳ» ՍՊԸ տնօրեն/կառավարող գործընկեր (2019թ. դեկտեմբերից):

ՀՀԱԱ վերստուգիչ հանձնաժողովի անդամ (2018թ. մայիս – 2021թ. մայիս), ՀԱՊ կարգապահական հանձնաժողովի անդամ (2021թ. հունիսից): «ԷՅ-ԷՆ ԱՈՒԴԻՏ» ՓԲԸ աուդիտորի օգնական (2012թ. մայիս – 2015թ. ապրիլ), ավագ աուդիտոր (2015թ. ապրիլ – 2018թ. փետրվար), աուդիտի մենեջեր (2018թ. փետրվար – 2019թ. նոյեմբեր)։ «ԳՈՒԴԿՐԵԴԻՏ» ՈՒՎԿ ՓԲԸ վերստուգող (2017թ. մայիս – 2019թ. նոյեմբեր)։
2007 – 2011 թթ. սովորել է ԵՊՀ տնտեսագիտության ֆակուլտետի բակալավրիատում, 2011 – 2013 թթ.՝ նույն ֆակուլտետի մագիստրատուրայում, 2013 – 2016 թթ.՝ ՀՀ պետական կառավարման ակադեմիայի ասպիրանտուրայում։ Տնտեսագիտության թեկնածու է, հեղինակ է շուրջ մեկ տասնյակ գիտական հոդվածների։ Տարոն Վարազդատյանը 2019թ. փետրվարից դասավանդում է ԵՊՀ կառավարման և գործարարության ամբիոնում։

Գրիգոր Վարդանյան ներկալումս աշխատում է որպես ֆինանսական տնօրեն Ամբեր Կապիտալ Արմենիա ընկերությունում։ Մինչ այդ աշխատել է Էրնսթ ընդ Յանգ ընկերությունում՝ որպես  աուդիտի տնօրեն:
Ունի ավելի քան 14 տարվա փորձ  աուդիտի և հարակից ծառայությունների, ինչպես նաև ֆինանսական կառավարման և ակտիվների կառավարման ոլորտներում: Գրիգոր Վարդանյանի փորձը ներառում է մասնագիտական աշխատանքային փորձառություն ինչպես Հայաստանում, այնպես էլ ԱՊՀ երկրներում։ Նա հանդիսանում է Որակավորված հաշվապահների ասոցիացիայի անդամ (FCCA):