Կուսակցությունների տարեկան հաշվետվությունների պարտադիր աուդիտի իրականացման մասին
Ստորև ներկայացնում ենք Պալատի նախագահ Թ. Մովսիսյանին ուղղված Կոռուպցիայի կանխարգելման հանձնաժողովի գրությունը և կից ֆայլերը՝ կուսակցությունների տարեկան հաշվետվությունների պարտադիր աուդիտի իրականացման նպատակով մրցույթներին մասնակցելու գնային առաջարկի ձևաչափը և կուսակցություններից ստացված անհրաժեշտ տեղեկությունները:
Գնային առաջարկները անհրաժեշտ է ուղարկել info@cpcarmenia.am էլեկտրնային հասցեին, վերջնաժամկետը՝ 13.06.2022թ., ժամը՝ 18:00:
Հարգելի՛ պարոն Մովսիսյան,
Կից տրամադրվում է գնային առաջարկները ներկայացնելու ձևանմուշը, կուսակցություններից ստացված անհրաժեշտ տեղեկությունները:
խնդրում ենք պատասխան նամակով հաստատել գրության ստացումը:
Հարգանքով՝
Կոռուպցիայի կանխարգելման հանձնաժողով
Նաև ստորև ներկայացնում ենք կուսակցությունների տարեկան հաշվետվության ձևի նախագիծը: Խնդրում ենք նկատառումները և առաջարկությունները ներկայացնել մինչև ս.թ. հունիսի 8-ը:
«Կոռուպցիայի կանխարգելման հանձնաժողովի մասին» օրենքի 40.1 հոդվածով Կոռուպցիայի կանխարգելման հանձնաժողովին (այսուհետ՝ Հանձնաժողով) է վերապահվել կուսակցությունների ներկայացրած տարեկան հաշվետվությունների համապատասխանության ստուգումը «Կուսակցությունների մասին» սահմանադրական օրենքով սահմանված պահանջներին, իսկ «Կուսակցությունների մասին» սահմանադրական օրենքի 27-րդ հոդվածով՝ կուսակցության տարեկան հաշվետվության ձևը և դրա լրացման կարգը սահմանելու լիազորությունը:
Այդ առումով Հանձնաժողովը մշակել է կուսակցությունների տարեկան հաշվետվության ձևի նախագիծը և կարևորում է մինչ դրա ընդունումն այն քննարկել մասնագիտական խմբերի և շահագրգիռ կողմերի ներկայացուցիչների հետ:
Ուստի առաջարկում ենք ուսումնասիրել կից ֆայլով ներկայացված կուսակցությունների տարեկան հաշվետվության ձևի նախագիծը: Նկատառումներ, առաջարկություններ ունենալու դեպքում խնդրում ենք դրանք հայտնել ձեր նախընտրած տարբերակով՝ մինչև 2022 թվականի հունիսի 8-ը:
Միաժամանակ, հայտնում ենք, որ Հանձնաժողովը նախատեսում է նաև կազմակերպել քննարկում՝ Ձեր կողմից ներկայացված նկատառումներն ու առաջարկությունները քննարկելու համար:
Կից ներկայացվում է Տարեկան հաշվետվության ձևը, ինչպես նաև նույն ֆայլի առցանց հղումը: