Պալատ և ԲԻ Դի Օ Արմենիա Համագործակցության հուշագրի ստորագրում
2024թ․ ապրիլի 2-ին, կարևորելով գործընկերության և համագործակցության դերը Պալատի անդամների մասնագիտական զարգացման գործընթացում՝ Հայաստանի աուդիտորների և փորձագետ հաշվապահների պալատը և ԲԻ-ԴԻ-Օ Արմենիա կազմակերպությունը կնքեցին Հուշագիր։
Այն կարևոր ներդրում է մասնագիտության զարգացման ճանապարհին՝ ամրագրված նպատակներով ու գործողությունների կոնկրետ ծրագրերով։ Երկուստեք ստանձնած պարտավորությունների շրջանակը շատ լայն է․ աջակցություն մասնագիտական զարգացման դասընթացների կազմակերպման գործընթացին՝ թեմաների առաջադրման և համապատասխան դասընթացավարների ներգրավման, որակավորման ծրագրում ներառված բարձր առաջադիմությամբ մասնակիցների պրակտիկայի կազմակերպման և աշխատանքի տեղավորման հարցերում, և այլն:
Կողմերը նշեցին, որ Հուշագրի շրջանակներում ընդգրկված երկկողմ ծրագրերն ու գործարար մակարդակում դրանց կիրառման կոնկրետ քայլերը, իրականացված և նախատեսվող միջոցառումները, համագործակցության առավել արդյունավետ այլ ձևաչափերի որոնումները լավագույն երաշխիքն են այն կարևոր նպատակի իրականացման, որն ապահովելու է մասնագիտության վաղվա օրը։
Հուշագրի հետ կապված մանրամասները կարող եք տեսնել հղումով՝ Համագործակցության հուշագիր:
Միջոցառման նկարները կարող եք տեսնել Պալատի կայքում՝ caaa.am, քայլերի հետևյալ հաջորդականությամբ՝ տեղեկատվական կենտրոն/ նկարադարան: