Որակավորման քննությունների ամփոփում

2024թ․ հունիսի 24-ից մինչև հուլիսի 2-ը տեղի ունեցան Հայաստանի աուդիտորների և փորձագետ

հաշվապահների պալատի որակավորման ծրագրի քննությունները։

Եթե փորձենք արդյունքներն ամփոփել նույն 2024-ի առաջին կիսամյակի՝ դիմորդների մասնակցության

ցուցանիշի հետ համեմատությամբ, ապա գոհունակությամբ պետք է փաստենք, որ երկրորդ կիսամյակում

գրանցված թիվն ուղիղ 100-ով ավելի է։ 555 և 655 երկու կիսամյակներում արձանագրված թվերն էլ

(2024թ-ին ընդամենը 1210 մասնակից) աննախադեպ են Պալատի պատմության մեջ ամրագրված ռեկորդային

ցուցանիշներով և շարունակում են պահպանել ու զարգացնել 2023-ին գրանցված աճի միտումը՝

արձանագրելով մեծ բուհերի ցուցանիշներին հավասարազոր արդյունքներ։ Տարեթվից տարեթիվ, կիսամյակից

կիսամյակ դեպի վեր ձգվող կայուն կորագիծն, անշուշտ, Պալատի քսանյոթամյա պատմության՝ որդեգրած

սկզբունքներին հավատարմության, Որակավորման ծրագրի՝ շարունակական կատարելագործման և միջազգային

չափանիշներին համապատասխանության անշեղ ընթացքի, ինչպես նաև մասնագիտության նկատմամբ

մասնակիցների վերաբերմունքի վերաիմաստավորման, մասնագիտության զարգացման գործում Պալատի

դերակատարման և հեղինակության բարձրացման լավագույն վկայությունն է։

Քննությունների մասնակիցներին մաղթում եմ հաջողություններ: Մասնագիտական հետաքրքրությունների

բավարարումը պրոֆեսիոնալ առաջընթացի ճանապարհին կլինի շարունակական, իսկ ձեռքբերումները

նպատակաուղղված կլինեն մասնագիտության առաջընթացին և զարգացմանը։

Շնորհակալություն եմ հայտնում Պալատի գործադիր տնօրինությանը` որակավորման դասընթացները և

քննությունները բարձր մակարդակով կազմակերպելու և իրականացնելու համար։