Փոփոխություններ հիմնադրամների և ՀԿ հաշվետվություններում
ՇՐՋԱԲԵՐԱԿԱՆ ՆԱՄԱԿ
Իրազեկման կարգով հայտնում ենք, որ կատարվել են փոփոխություններ և լրացումներ հիմնադրամների և հասարակական կազմակերպությունների գործունեության հաշվետվության օրինակելի ձևի, հրապարակման և ներկայացման կարգում:
Մասնավորապես, հստակեցվել է, որ Հաշվետվությունը լրացվում է Հայաստանի Հանրապետության հարկային օրենսգրքով սահմանված եկամուտների և ծախսերի հաշվառման դրամարկղային մեթոդի կիրառմամբ:
Ինչպես նաև, պարտադիր աուդիտի ենթակա հիմնադրամների դեպքում հստակեցվել է, որ գործունեության հաշվետվությանը կցվում են Ֆինանսական հաշվետվություններն ու ֆինանսական հաշվետվությունների վերաբերյալ աուդիտն իրականացնող անձի (աուդիտորի) եզրակացությունը: (նախկինում նշված էր միայն աուդիտորական եզրակացություն):
Փոխոխությունների և լրացումների ամբողջական տեքստին կարող եք ծանոթանալ հետևյալ հղումներով.
- Հիմնադրամների դեպքում` ՀՀ Պետական եկամուտների նախագահի 2022թ. Օգոստոսի 9-ի թիվ 822-Ն Հրաման` 2020թ. ապրիլի 17-ի թիվ 337-Ն Հրամանում փոփոխություններ և լրացումներ կատարելու մասին
Տեքստը հետևյալ հղումով` https://bit.ly/3XnvtxS
- Հասարակական կազմակերպությունների դեպքում` ՀՀ Պետական եկամուտների նախագահի 2022թ. Օգոստոսի 9-ի թիվ 823-Ն Հրաման` 2020թ. մայիսի 27-ի թիվ 477-Ն Հրամանում փոփոխություններ և լրացումներ կատարելու մասին
Տեքստը հետևյալ հղումով` https://bit.ly/3OltM01