ՀԱԵԽ հերթական նիստ 19.11.2024

2024թ․ նոյեմբերի 19-ին տեղի ունեցավ Հաշվապահների և աուդիտորների եվրասիական խմբի (ՀԱԵԽ) հերթական նիստը։

Նիստը նախագահում էր ՀԱԵԽ նախագահ,  Հայաստանի աուդիտորների և փորձագետ հաշվապահների պալատի նախագահ Թաթուլ Մովսիսյանը։

Նիստի ընթացքում հաստատվեցին ՀԱԵԽ որակի հսկողության հանձնաժողովի անհատական կազմի և կանոնադրության, մասնագիտական էթիկայի հանձնաժողովի կանոնադրության և այլ հանձնաժողովների անհատական կազմի փոփոխությունների վերաբերյալ որոշումները: Քննարկվեց նաև ՀՄԴ ցանցային անդամության համար փաստաթղթերի փաթեթի պատրաստման և դիմումի ներկայացման վերաբերյալ հարցը: 

ՀԱԵԽ-ի ընդհանուր ժողովին մասնակցում էին նաև Պալատի խորհրդի անդամ Հովհաննես Պետրոսյանը և գործադիր տնօրեն Հայկ Մնացականյանը։

ՀԱԵԽ-ի անդամ են հանդիսանում ԱՊՀ երկրների 10 մասնագիտացված (պրոֆեսիոնալ) կառույցները։