ՖԻՆԱՆՍԻՍՏԻ ԹԱՓՈՒՐ ՀԱՍՏԻՔԻ ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
«Հայաստանի աուդիտորների և փորձագետ հաշվապահների պալատ» ՀԿ-ն (այսուհետ՝ Պալատ) հայտարարում է մրցույթ Ֆինանսիստի թափուր հաստիքը զբաղեցնելու համար։
Պաշտոն՝ Ֆինանսիստ
Ենթակայություն՝ անմիջականորեն ենթարկվում է Պալատի տնօրենին։
Աշխատավարձ՝ 320 000 ՀՀ դրամ։
Հիմնական գործառույթներ
- Հաշվապահական գործառնությունների գրանցում, մնացորդների ստուգում և վերահսկում
- Անդամավճարների և այլ մուտքերի հաշվառում
- Դասընթացների, քննությունների և ՇՄԶ միջոցառումների ֆինանսական հաշվառում
- Քաղաքացիաիրավական և աշխատանքային պայմանագրերի կազմում,
- Աշխատավարձերի և հարկերի հաշվարկ,
- Բանկային գործառնությունների և գնումների ֆինանսական վերահսկում
- Դեբիտորական և կրեդիտորական պարտքերի հաշվառում, գործընկերների մնացորդների վերահսկում,
- Ֆինանսական և այլ հաշվետվությունների վերլուծություն,
- Ծրագրերի մասնակցության ֆինանսական առաջարկների կազմում,
- Փաստաթղթաշրջանառության կազմակերպում և հաշվետվությունների ներկայացում Պալատի ղեկավարությանը,
- Այլ ընթացիկ հաշվապահական գործառույթներ:
Որակավորման հիմնական պահանջներ
- Բարձրագույն կրթություն
- ՀՀ հարկային և հաշվապահական հաշվառման օրենսդրության իմացություն
- Excel-ի իմացություն, Հայկական ծրագրեր համակարգի հետ աշխատանքի փորձ
- Օտար լեզուների իմացություն
Հայտագրում
Հետաքրքրված թեկնածուներին խնդրում ենք ինքնակենսագրությունը (CV) ուղարկել info@caaa.am էլեկտրոնային հասցեին՝ մինչև 2026 թվականի սեպտեմբերի 5-ը։