Պալատի որակավորման դասընթացների մեկնարկ

2026 թվականի մարտի 24-ից Պալատի  գրասենյակում (Մոնթե Մելքոնյան 46/2 հասցեում) տրվեց Հայաստանի աուդիտորների և փորձագետ հաշվապահների պալատի  որակավորման ծրագրի հերթական դասընթացների մեկնարկը։  Դիմորդների մասնակցության՝  վերջին տարիներին արձանագրված և շարունակաբար աճող բարձր  ցուցանիշը  վկայում է մասնագիտական ոլորտում առավել խորը գիտելիքներով և հմտություններով զինվելու, ժամանակի թելադրած պահանջներին և միջազգային չափանիշներին համահունչ քայլելու և դրանով իսկ  մասնագիտական առաջընթացի և հաջողության կայուն երաշխիքներ ապահովելու դիմորդների անշեղ ձգտման և Պալատի  կողմից դրան տրվող համարժեք արձագանքի մասին։ Պալատի բարձր որակավորում ունեցող մասնագետների աջակցությամբ նրանց նպատակները կդառնան առավել հասանելի և իրական, իսկ անցնելիք ճանապարհը՝ ավելի դյուրին։

Դասընթացների մասնակիցներին  մաղթում ենք հաջողություններ և վստահեցնում, որ նրանց մասնագիտական հետաքրքրությունների բավարարումը մասնագիտական առաջընթացի ճանապարհին մշտապես կլինի Պալատի ուշադրության կենտրոնում։